Aaj...

Aaj mere dil ne mujhse kaha,
Zara chal mere saath ishq ki raah par
Chal bunte hain aaj kuch sapne
Jo honge tere bhi apne
Chal Banaate hain apna ek alag aashiyaan
Jismein basega apna pyar
Aaj mere dil ne mujhse kaha...

Kabhi tum bhi to dekho
Kaisi hoti hai ishq ki raah
Kabhi tum bhi to jaano
Kaise hote hain wo sapne
Jinhe anjaane mein hi
Dil bun leta hai
Kabhi tumhein bhi to mehsoos ho
Ki kaisa lagta hai
Jab apne pyar ko
Milta hai aashiyaan
Aaj mere dil ne mujhse kaha...

Chalo maan li maine dil ki baat
Aur ab nikla hoon main, ishq ki raah par,
Sapne bunne, banaane ek alag aashiyaan
Zara dekhoon apne dil ko baste hue
Ki aaj dil ne mujhse hai kaha...