MY MELODIES

Darkhwaast

2010-12-27T05:15:00.000-08:00

Mujhe chand din ki mohlat de de,

Main sanwar ke tujhko dikhlaaunga,

Main badal kar tujhko dikhlaaunga,

Mujhe chand din ki mohlat de de.

Tu ek baar aisi kismat de de,

Ki main kya hoon tujhko bata sakoon,

Ki main kya hoon tujhko dikha sakoon,

Tu ek baar aisi kismat de de.

Chaahe tu mujhe laanat keh de,

Main ilzaam ye hataana chahta hoon,

Kya kar sakta hoon dikhaana chahta hoon.

Chaahe tu mujhe laanat keh de.

Tu ek martaba mohlat toh de,

Tu ek martaba aisi kismat toh de,

Tu laakh mujhe laanat keh de,

Main sanwar kar tujhko dikhlaaunga,

Main badalkar tujhko dikhlaaunga.

Jo ye saare dard main seh raha hoon,

Kabhi Andhra, Kabhi Kashmir se bat raha hoon,

Mere jism par itne gole baras rahe hain,

Mujhe sambhalne ka mauka toh de,

Main sambhal ke tujhko dikhlaaunga.

Aaj toh zaalimon ka pehra hai,

Sar pe unhi ke sehra hai,

Apne hi ab ladne lage hain,

Mujhe samjhaane ka mauka toh de,

Main samjha ke tujhe dikhaaunga,

Mujhe chand din ki mohlat de de,

Mujhe chand din ki mohlat de de.

Mera Pyar

2010-08-26T11:31:00.001-07:00

Mera pyar, naya pyar

Jashn mein uske maine piya sharaab

Mera pyar, naya pyar

Ishq ki jaise mili kitaab

Mera pyar, naya pyar

Jashn mein uske maine piya sharaab

Dhadakta tha mera dil tere liye

Humsafar hai ab mere liye

Dhadakta tha mera dil tere liye

Humsafar hai ab mere liye

Wo mausam bhi the ajeeb

Jo dil ke na the kareeb

Ab tu hai mere saath

Tu hai mera pyar

Mera pyar, naya pyar

Jashn mein uske maine piya sharaab

Mera pyar, naya pyar

Jashn mein uske maine piya sharaab

Thoda sa nasha hai

Kiya hai tune kaisa jaadu

Pyar bhi ajab cheez hai

Dil pe nahin hai kaabu

Rakh zara mujhe apne paas

Jaise chanda ho mere haath

Mera pyar, naya pyar

Jashn mein uske maine piya sharaab

Mera pyar, naya pyar

Ishq ki jaise mili kitaab

Mera pyar, naya pyar

Jashn mein uske maine piya sharaab

aankhen

2010-08-26T01:18:00.000-07:00

GAA RAHI HAI

2010-02-20T06:10:00.000-08:00

gaa rahi hai zameen chalte chalte, dhuein gaa rahe hain

aag jo raakh ho jaaye, wo raakh gaa rahe hain

gaa rahi hai zameen chalte chalte, dhuein gaa rahe hain

aag jo raakh ho jaaye, wo raakh gaa rahe hain

gaa rahi hai zameen, gaa rahi

gaa rahi hai zameen gaa rahi

kabhi kabhi to paani sookh sa jaata

kabhi koi apna rooth sa jaata

kabhi to neem ke ped se patte jo girte

dhoondhte apni raahein, dhoondhte phirte

kitni chotein lagi, kitni humne sahi

gaa rahi hai zameen, gaa rahi

gaa rahi hai zameen gaa rahi

shaam ko jo sooraj doobta tha

to aankhon mein jaise paani aa jaaye

subah ko jo panchhi sandesa laaye

kadam mere lagzeeda ho jaayein

kya galat hai ismein, kya hai sahi

gaa rahi hai zameen, gaa rahi

gaa rahi hai zameen gaa rahi

AAJ AUR KAL

2010-02-20T05:18:00.000-08:00

aaj dekho, aaj kya hai, shaayad kal ka aaina

aaj suno, kya hai kahaani, kal shaayad itihaas ban jaaye

aaj jo hai, wo tumhaare saamne hai, kal wo beet jaayega,

waapas nahi aayega

aaj apne saamne haqeeqat dekho, aaj hi sapna

kal shaayad tum sapne na dekh sako

jo baat dil mein hai, aaj hi keh do, kal kuch na keh sakoge

aaj ki galiyo mein jao, kal ek naya mod mil sakta hai

aaj raah par niklo, kal manzil mil sakti hai

aaj jo sooraj chamak raha hai, kya pata use kal na dekh sako

aaj karo apne aap se ek sawaal, kya badal sakoge ye duniya

kal ka intezaar mat karo...

waqt nahi karta kisi ka intezaar, to tumhaara kyun karega

aaj hi le lo har faislaa, aaj hi har vaade poore karo...

har faislon par amal karo, , ,

kya pata kal kisi aur ka kaboo ho jaaye, tumhaare faislon par

aaj ka aaj karo, kal par bharosa mat karo